MRS-in intellektual idarəetmə həlləri işıqlandırma, iqlim avadanlıqları, elektriklə idarə olunan pərdələr və digər qoşulmuş cihazların vahid platforma üzərindən idarə olunmasını təmin edir. Sistem bu avadanlıqların işini vaxt cədvəlləri, sensor məlumatları və istifadəçinin seçdiyi idarəetmə rejimləri əsasında əlaqələndirərək məkanı gündəlik ehtiyaclara uyğunlaşdırır.
Əvvəlcədən qurulmuş idarəetmə rejimləri bir neçə əməliyyatın eyni anda yerinə yetirilməsinə imkan verir. Səhər müəyyən edilmiş vaxtda pərdələr açılır, otağın temperaturu tənzimlənir və seçilmiş işıqlar aktivləşir. Evdən çıxış zamanı bir əmrlə işıqlandırma söndürülür, ehtiyac olmayan cihazların enerji təchizatı dayandırılır və sistemdə nəzərdə tutulan təhlükəsizlik rejimi işə salınır. Axşam işıqlandırmanın parlaqlığı və uyğun avadanlıqlarda rəng tonu istirahətə uyğun dəyişdirilir, gecə isə iqlim sistemi təyin olunmuş yuxu temperaturuna keçir.
Mobil tətbiq vasitəsilə istifadəçi qoşulmuş avadanlıqların vəziyyətini izləyə, parametrləri dəyişə və idarəetmə rejimlərini məsafədən aktivləşdirə bilir. Sistemə inteqrasiya edildikdə videomüşahidə və sensor bildirişləri də məkan üzərində nəzarəti tamamlayır. Beləliklə, idarəetmə həm avtomatik rejimdə, həm də istifadəçinin birbaşa verdiyi əmrlərlə həyata keçirilir.
MRS həlləri məkanın təyinatına, mövcud infrastrukturuna və avadanlıqların uyğunluğuna əsasən formalaşdırır. Məqsəd gündəlik əməliyyatları sadələşdirmək, komfort və nəzarət imkanlarını artırmaq, avadanlıqların yalnız ehtiyac olduqda işləməsini təmin etməklə enerjidən daha səmərəli istifadəyə şərait yaratmaqdır.